អត្ថប្រយោជន៍៣យ៉ាង ដែលនៅពីក្រោយការញ៉ាំតែទឹកកក
09-November-2015 | ដោយ មួយឡា
តែទឹកកកគឺជាភេសជ្ជៈដ៏ពេញនិយមមួយក្នុងសហរដ្ឋអាមេរិក ក៏ដូចជាទូទាំងពិភពលោក។ ដូច្នេះមានហេតុផលអ្វីខ្លះនៅពីក្រោយភាពពេញនិយមនេះទៅ? តែបៃតងគឺជាភេសជ្ជៈជួយឱ្យអារម្មណ៍ស្រស់ស្រាយ និងកើតចេញពីឬសឈើ។ ប៉ុន្តែអ្វីដែលគួរឱ្យចាប់អារម្មណ៍នោះគឺ វាអាចការពាររាងកាយពីជំងឺមហារីកបាន។ ខាងក្រោមនេះគឺជាអត្ថប្រយោជន៍ខ្លះៗដែលតែទឹកកកអាចធ្វើបានចំពោះសុខភាព។
បង្ការភាពចាស់
វាមិនខុសពីរុក្ខជាតិដែលប្រើប្រាស់សម្រាប់បង្កើតសោភ័ណភាព ដល់គេហដ្ឋានឡើយ។ តែទឹកកកមានអង់ទីអុកស៊ីដង់ដែលអាចការពារពីឥទ្ធិពលរបស់សារធាតុ ពុល និងជួយរក្សាភាពក្មេងវ័យទៀតផង។
ការពារឆ្អឹង
យើងគ្រប់គ្នាសុទ្ធតែធ្លាប់ដឹងហើយថា ការញ៉ាំទឹកដោះគោគឺជាវិធីសាស្ត្រដ៏ល្អបំផុតក្នុងការការពារឆ្អឹង ប៉ុន្តែមានមនុស្សប៉ុន្មាននាក់ដែលដឹងថា ការញ៉ាំតែក៏ជួយថែរក្សាឆ្អឹងឱ្យរឹងមាំដែរនោះ។ យោងទៅតាមអ្នកជំនាញខាងសុខភាពបានឱ្យដឹងថា អ្នកដែលញ៉ាំតែបៃតង និងអាយុចាប់ពី ១០ឆ្នាំឡើងទៅ គឺមានឆ្អឹងរឹងមាំជាងអ្នកដែលមិនញ៉ាំ។
កាត់បន្ថយការប្រឈមជំងឺបេះដូង
កំណកឈាមក្នុងរាងកាយអាចបណ្តាលឱ្យកើតជាជំងឺស្ទះសរសៃឈាម ខួរក្បាល ព្រមទាំងគាំងបេះដូងទៀត។ តាមការយល់ឃើញរបស់គ្រូពេទ្យបានឱ្យដឹងថា ការញ៉ាំតែទឹកកកទៀងទាត់នឹងជួយថែរក្សាសរសៃឈាមអាក់ទែមិនឱ្យមានកំណកឡើយ៕
ប្រភព៖ health
ចំនួនអ្នកទស្សនា
- ថ្ងៃនេះ3051
- ម្សិលមិញ12561
- សប្តាហ៍នេះ31001
- ខែនេះ52881
- ឆ្នាំនេះ52881
- សរុប20495337